Ադրբեջանում գտնվող Իրանի կապի նախարար Ռզա Թագիպուրը իր ադրբեջանցի գործընկերոջ հետ քննարկել է 2012-ին ադրբեջանական «ազերսփեյս» արբանյակի արձակման հնարավորությունը:
Բանակցությունների ավարտին տված ասուլիսի ժամանակ Թագիպուրն ասել է, որ այդ ոլորտի շուրջ քննարկումները շատ արդյունավետ են անցել:
Նա շեշտել է նաև, որ երկու երկրները սերտորեն համագործակցում են նաև փոստային առաքումների ոլորտում, մասնավորապես` Իրանը Ռուսաստանի հետ փոստային առաքումներ իրականացնում է Ադրբեջանի տարածքով, իսկ Ադրբեջանը` Պարսից ծոցի երկրների հետ` Իրանի տարածքով: