Վրացական Версия պարբերականը տեղեկացնում է, որ երկրի կրթության փոխնախարար Իրինա Կուրդաձեն կոնկրետ չի պատասխանել հանրակրթական դպրոցներում ռուսերենի դասավանդման ապագային վերաբերող հարցին:
Նախ նա ասել է, որ բոլոր հանրակրթական դպրոցներում 7-րդ դասարանից երեխաները կարող են երկրորդ օտար լեզու սովորել, այդ թվում` ռուսերեն: Այդ հարցը անհատապես կարգավորում են դպրոցների տնօրենները:
Միևնույն ժամանակ Կուրդաձեն ասել է, որ չի պատկերացնում այնպիսի մի տնօրենի, ով աշխատավարձ կտա ռուսերեն լեզու դասավանդող ուսուցչի:
Հիշեցնենք, որ վերջերս Վրաստանում չգրված օրենքի համաձայն` ժամանցի վայրերում ռուսերեն երգեր չեն կատարվում:
