Այսօր` օգոստոսի 7-ին, խոշոր ավտովթար է տեղի ունեցել Գեղարքունիքի մարզում:
Ժամը 21:00-ի սահմաններում Սևան-Գավառ ավտոճանապարհի 11-րդ կիլոմետրին` Նորաշեն գյուղի հատվածում, իրար են բախվել «Գազել» մակինիշի 09 ԼԼ 084 համարանիշի, «Կիա» մակնիշի 888 PP 85 համարանիշի և «Վազ 2110» մակնիշի 04 ՕԼ 008 համարանիշի ավտոմեքենանները:
Ֆոտոլրագրող Գագիկ Շամշյանը shamshyan.com-ին հայտնել է, որ վթարի հետևանքով «Գազել»-ն ու «Կիա»-ն դուրս են եկել երթևեկելի գոտուց և հայտնվել աջ ձորակում, իսկ «Վազ 2110»-ը դուրս է եկել հանդիպակաց գոտի և մոտ 10 մետր հայտնվել ձախ ձորակում:
Վթարի հետևանքով 4 հոգի ստացել են մանրմնական վնասվածքներ և տեղափոխվել Սևանի բժշկական կենտրոն:
Գ. Շամշյանը հայտնել է, որ «Գազել»-ը վարել է 62-ամյա Սերյոժա Չիլինգարյանը, ով աշխատում է «Ռալա» ՍՊԸ-ում որպես վարորդ-առաքիչ: «Կիա»-ն վարել է Գեղարքունիքի մարզի Լանջաղբյուր գյուղի բնակիչ 44-ամյա Յուրիկ Բաղդասարյանը: Գ. Շամշյանը հայտնել է, որ վերջինս նույն գյուղի գյուղապետն է, իսկ «Վազ 2110»-ը վարել է Գավառ քաղաքի բնակիչ 28-ամյա Իգոր Մանուկյանը:
Դեպքի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի աշխատակիցները` հրամանատար Սերգեյ Հակոբյանի գլխավորությամբ:
Ժամանել են նաև ապահովագրական ընկերությունների ներկայացուցիչները:
Վթարի վայրում քննչական աշխատանքները ղեկավարել է ոստիկանության քննչական գլխավոր վարչության Գեղարքունիքի մարզի քննչական բաժնի Սևանի քննչական բաժանմունքի քննիչ Դավիթ Շահբազյանը: Քննիչի հանձարարականով ավտոմեքենաները տեղափոխվելու են Ոստիկանության Սևանի բաժնի հատուկ պահպանման տարածք:
Գ. Շամշյանը հայտնել է, որ հիվանդանոց տեղափոխված հիվանդների մեջ է նաև գյուղապետը:
Այս պահին ոստիկանությունը պարզում է մնացած 3 վիրավորների ինքնությունը:
