Ուղղափառ «Գեորգիևյաններ» երիտասարդական շարժումը ծրագրում է ցույցեր կազմակերպել` ընդհանուր Madonna go home! («Հաջողությո՛ւն Մադոննա, գնա՛ տուն») կարգախոսով և կոչ են անում բոլոր հավատացյալներին չգնալ փոփ աստղի` Մոսկվայում այսօր տեղի ունենալիք համերգին: Այս մասին երեքշաբթի РИА Новости-ին հայտնել են շարժման ներկայացուցիչները:
Օգոստոսի 7-ի երեկոյան Մադոննան համերգ կունենա Մոսկվայում, իսկ ամսի 9-ին` Սանկտ Պետերբուրգում: Սպասվում է, որ համերգի ժամանակ փոփ երգչուհին կարող է մի շարք հայտարարություններ անել` Սանկտ Պետերբուրգի` անչափահասների շրջանում հոմոսեքսուալիզմի քարոզումն արգելող օրենքի առնչությամբ:
Երկուշաբթի ուղղափառ ակտիվիստները ոչ մի ցույց չէին նախատեսել Մադոննայի ռուսաստանյան հյուրախաղերի դեմ, սակայն երբ երգչուհին Pussy Riot պանկ խմբի անվան շուրջ սկանդալի կապակցությամբ կարծիք է հայտնել, որ նրանք պետք է արդարացվեն, ակտիվիստները փոխել են մտադրությունը:
Ինչպես նշվում է շարժման մամլո հաղորդագրությունում`ակցիայի կազմակերպիչները կոչ են անում հանրահավաքին մասնակցել բոլոր հասարակական և կրոնական կազմակերպությունների ներկայացուցիչներին:
Արևմտյան ԶԼՄ-ների հաղորդմամբ` ակնկալվում է, որ Մադոննան մոսկովյան իր համերգի ժամանակ կմիանա Pussy Riot-ի` խուլիգանության համար մեղադրվող 3 անդամների պաշտպանությամբ հանդես եկողներին:
Ավելի վաղ, ի պաշտպանություն Pussy Riot-ի 3 անդամների, նամակ են գրել The Who, Pulp и Pet Shop Boys խմբերի անդամները:
