Ճապոնական Euglena ընկերությունն իր գրասենյակի մուտքի մոտ սեփական արտադրանքի իմացության թեստ է տեղադրել: Այսկերպ ընկերության այցելուները նախապես կիմանան՝ ինչով է զբաղվում ընկերությունը: Այս մասին տեղեկացնում է lenta.ru-ն:
Euglena ընկերությունը միաբջիջ օրգանիզմի՝ էվգլենայի հիման վրա կենսահավելումներ և վառելիք է արտադրում:
Ճապոներենով «էվգլենա» բառը հնչում է որպես «կանաչ որդ», ինչի պատճառով շատ հաճախորդներ մտածում են, որ ընկերության արտադրանքը ստացվում է որդերից ու թրթուրներից: Որպեսզի հանրությանն ազատեն այս մոլորությունից, ընկերության աշխատակիցները գրասենյակի դռանը ինտերակտիվ թեստով էկրան են տեղադրել: Այն պետք է անցնեն բոլորը՝ սկսած բիզնես-գործընկերներից, վերջացրած պիցցա բաժանողով: Եթե սխալ ես պատասխանում թեկուզ մեկ հարցի, դուռը չի բացվում:
