ԱՄՆ նախագահ Բարաք Օբաման խոստացել է աջակցել Իսպանիայի վարչապետ Մարիանո Ռահոյի` երկրի տնտեսությունը վերականգնելու ջանքերին: Օբաման նշել է, որ Իսպանիան բախվել է լուրջ դժվարությունների` եվրոգոտու երկրների պարտքային ճգնաժամի ֆոնին: Այս մասին հայտնում է «Ազատություն» ռադիոկայանի ռուսական ծառայությունը:
Աջակցելու մասին ամերիկյան առաջնորդը Ռահոյին հայտնել է երկուշաբթի` հեռախոսազրույցի ժամանակ: Օբաման նաև անհանգստություն է հայտնել, որ Եվրոպայի տնտեսական ճգնաժամը կարող է ազդել ԱՄՆ տնտեսության վերականգնման գործընթացի վրա:
Ուրբաթ Ռահոյը դիմել է Եվրամիությանը` Իսպանիային ֆինանսական աջակցություն ցուցաբերելու խնդրանքով: Միաժամանակ նա նշել է, որ նախևառաջ ցանկանում է ծանոթանալ տրամադրվելիք օգնության պայմաններին:
