Ոստիկանության 1-ին սպայական գումարտակի 3-րդ դասակի աշխատակցի կողմից վարչական պատասխանատվության է ենթարկվել Տիգրան Հակոբյանը:
Ֆոտոլրագրող Գագիկ Շամշյանը shamshyan.com-ին հայտնել է, որ Տ. Հակոբյանը 100.000 դրամով տուգանվել է այն բանի համար, որ «Մերսեդես» մակնիշի 041 oo 11 համարանիշի ավտոմեքենան վարել է առանց ամրագոտու, իսկ վարելու ընթացքում էլ խոսել է հեռախոսով:
Գ. Շամշյանը հայտնել է, որ պարզվել է` Տ. Հակոբյանն իրավունք չուներ «Մերսեդեսի» վրա տեղադրել ԱԺ հաշվեկշռում գրանցված համարանիշները:
Այդ «Մերսեդեսի» վրա պետք է լիներ 05 ՍР 050 համարանիշը, այսինքն` «Մերսեդեսի» վրա օգտագործվել է փոխանցված համարանիշ:
Գ. Շամշյանը հայտնել է, որ իր տեղեկություներով, Տ. Հաբոյանն ԱԺ պատգամավոր, «Կիլիկիա» գարեջրի գործարանի սեփականատեր Հակոբ Հակոբյանի տղան է, իսկ 041 oo 11 համարանիշներն էլ սպասարկում են Հակոբ Հակոբյանին, սակայն պատգամավորը համարանիշները փոխանցել է իր որդուն:
Ինչպես ավելի վաղ հայտնել էր Գ. Շամշյանը, օգոստոսի 2-ին իր ֆոտոխցիկը արձանագրել էր, թե ինչպես էր «Մերսեդես» մակնիշի 041 oo 11 համարանիշի ավտոմեքենայի վարորդ Տ. Հակոբյանն Աբովյան փողոցում մեքենան վարում առանց ամրագոտին կրելու: Իսկ վարելու ընթացքում խոսում էր բջջային հեռախոսով:
Գ. Շամշյանը հայտնել էր, որ նշված ավտոմեքենայի համարանիշները գրանցված էին Ազգային Ժողովի հաշվեկշռում:
