Գազայի հատվածի իսլամիստները երկուշաբթի հայտարարել են, որ փակում են Եգիպտոսը անկալվի հետ կապող ստորգետնյա թունելների ցանցը: Նման որոշում է կայացվել կիրակի եգիպտացի սահմանապահների վրա իրականացված հարձակումից հետո:
Հիեցնենք, որ կիրակի օրը ծայրահեղականները հարձակում էին գործել Քարմ Աբու-Սալեմ սահմանային անցակետի վրա, ինչի հետևանքով վերջին տվյալներով սպանվել է 16 եգիպտացի զինծառայող: Առևանգված զրահամեքենաներով զինյալները, որոնց թվում ենթադրաբար եղել են Գազայի հատվածի պաղեստինցիներ, այնուհետև փորձել են ներխուժել Իսրայել, սակայն ոչնչացվել են օդից և ցամաքից հասցված հարվածների արդյունքում:
Անկալվում ղեկավարող «Համաս» շարժումը դատապարտել է զինյալների գործողությունները, որոնք, ինչպես նախկինում հայտարարել էին Եգիպտոսի իշխանությունները, պատկանում են գաղափարապես «Ալ-Քաիդա»-ին մոտ կանգնած «ջիհադական» խմբավորումների:
Գազայի հավածի ՆԳՆ գիշերային խորհրդակցությունից հետո հաղորդվել է, որ որոշում է կայացվել փակել տասնյակ անդրսահմանային թունելները, որոնք, ըստ էության, ապահովում են մարդկանց և ապրանքների անվերահսկվող տեղաշարժը դեպի Եգիպտոս: Սահմանի շրջանում մտցվում է արտակարգ դրություն:
«Եգիպտոսի հետ սահմանը պաշտպանվում է մեր կողմից, մենք Եգիպտոսի ազգային անվտանգությունը մեր առաջնային խնդիրն ենք համարում…Մենք փակում ենք Եգիպտոսի սահմանի բոլոր թունելները, Եգիպտոսի հետ սահմանի վրա արտակարգ դրություն ենք հայտարարում, որպեսզի կանխենք Գազայի հատված ներթափանցման ցանկացած փորձ»,- ասվում է ՆԳՆ հայտարարության մեջ:
Թունելները փորվել էինʽ ի պատասխան Գազայի հատվածի իսրայելա-եգիպտական շրջափակման և մի քանի տարի մինչև պատժամիջոցների թուլացումը , եղել են անկլավի մեկուկես միլիոն բնակչության մատակարարման գլխավոր ճանապարհը:
Գազայի հատվածի իշխանությունները հարձակման մեջ մեղադրել են Իսրայելին, որը «փորձում է սեպ խրել եգիպտացի և պաղեստինցի ժողովուրդների մեջ և վնաս հասցնել եգիպտական հեղափոխության ձեռքբերումներին»:
ԶԼՄ-ները հաղորդում են, որ հարձակումից անմիջապես հետո Եգիպտոսը փակել է Ռաֆահ հսկիչ անցակետը:
