Nike-ի նոր գովազդային տեսահոլովակի հերոս է դարձել ճարպակալմամբ տառապող տասներկուամյա տղան: YouTube-ում այս տեսահոլովակը երեք օրվա ընթացքում գրանցել է 300 000 դիտում:
Տեսահոլովակը թողարկվել է Nike-ի`«Գտի՛ր քո վեհությունը» կարգախոսի շրջանակներում: Գովազդի գաղափարական նպատակն է յուրաքանչյուրին հասկացնել, որ ցանակացած մարդ կարող է իրեն վեհ զգալ, կարևոր են յուրաքանչյուրի, և ոչ միայն մարզիկների ձեռքբերումները: Nike-ի այս տեսահոլովակում այդ մասին է պատմվում այն ժամանակ, երբ դիտողը կադրում տեսնում է ճանապարհով վազող ճարպակալված տղային:
Nike-ի չի հանդիսանում Օլիմպիադա 2012 –ի պաշտոնական հովանավորը, Օլիմպիական կոմիտեն գովազդման համար նրա առջև դրել էր որոշ արգելքներ, բայց նա որոշել էր շրջանցել դրանք: «Գտի՛ր քո վեհությունը» խորագրի տակ ընկերությունը սկսել է պատմել, ոչ պրոֆեսիոնալ մարզիկների մասին, որոնք ապրում են Մեծ Բրիտանիայից դուրս գտնվող Լոնդոն անվանումը կրող բնակավայրերում: Այդպիսիք կան, օրինակ, ԱՄՆ-ում, Նիգերիայում:
Առաջին հոլովակը ներկայացվել է հուլիսի 25-ին, ցուցադրվել է 25 երկրում, ունեցել է 4 մլն դիտում YouTube-ում:
Ընկերությունը պրոմո-կայք է թողարկել, որտեղից օգտատերերը կարող են մարզիկների ձեռքբերումների մասին պատմող տեսահոլովակները ներբեռնել iPhone-ների համար:
