Մոտ 20 օձ, առողջության բարելավման հարցում «չցանկանալով» օգնել մարդկանց, փախել են արևելյան ավանդական բժշկության դեղամիջոցներ վաճառող դեղատնից:
Ինչպես բացահայտել են ոստիկանության աշխատակիցները, այդ օձերը հարավկորեական պետության մայրաքաղաք Սեուլի հյուսիս-արևմտյան մասում գտնվող դեղատանն են պահվել: Ոստիկանների հերթական այցի առիթ է դարձել շինհրապարակում 17 սողունի հայտնվելը:
Պարզվել է, որ դեղատան տերը, խախտելով գործող օրենքը եզակի կենդանիների պահպանման մասին, 23 օձ էր բռնել սպիրտի հիմքի վրա բուժիչ թուրմ պատրաստելու համար, և օձերին փակել էր շինության հետնաբակում, սակայն սողունները փախել էին: Դրանից հետո շրջակա բնակիչները պարբերաբար օձեր էին նկատում:
Մայիսին ևս գրանցվել էր այսպիսի մի դեպք, երբ երկրի հարավում փախել էր 13 օձ, որոնք պատակնում էին կարմրապոչ պղնձօձի տեսակին և առանձնանում ագրեսիվ հակումներով: Պարզվել է, որ վերջիններս Հարավային Կորեայում գրանցված են «Կարմիր Գրքում»:
Դեղատան խուզարկության ժամանակ ոստիկանները առգրավել են 26 տարա` լի ալկոհոլային հիմքով օձի թուրմով, որոնց ընդհանուր արժեքը կազմում էր 6200 դոլլար:
Հարավային Կորեայի որոշ բնակիչներ կարծում են, որ օձի մեջ պարունակվում է հատուկ տեսակի նյութ, որի օգնությամբ վերականգնվում են ուժերը, բուժվում տուբերկուլյոզը և այլ հիվանդություններ:
