Ավստրալացի բիզնեսմեն Էնդրյու Կանը, զանգահարելով Qantas Airways ավիաընկերություն, 15 ժամ սպասել է պատասխանի: Այս մասին հաղորդում է The Sydney Morning Herald-ը:
Էնդրյու Կանը պատմել է, որ օգոստոսի 2-ին զանգահարել է Qantas Airways՝ դեպի Նյու Յորք իր թռիչքը հաստատելու համար: Լսելով ինքնապատասխանիչի ձայնը՝ Կանը որոշել է սպասել օպերատորի պատասխանին: Նա միացրել է հեռախոսի բարձախոսը և սկսել զբաղվել իր գործերով: Այդ ընթացքում գործարարը հասցրել է կարդալ և մշակել 200 էջանոց գիրք՝ մենեջմենթում որոշում ընդունելու վերաբերյալ: Առավոտյան ժամը 11-ին, ադպես էլ պատասխան չստանալով, նա ցած է դրել լսափողը:
Գործարարն ավելացրել է, որ այլևս երբեք չի օգտվի Qantas Airways-ի ծառայություններից:
Ավիաընկերության աշխատակիցները հրաժարվել են մեկնաբանել իրավիճակը, սակայն նկատել են, որ օգոստոսի 2-ի հեռախոսազանգերի ցուցակում նման տվյալ չկա, որ ինչ որ մեկը 15 ժամ պատասխանի է սպասել:
Qantas Airways-ը խոշորագույն ավստրիական ավիաընկերություն է: 2011թ. հոկտեմբերին ընկերության հեղինակությանը ծանր հարված հասցրեց ընկերության աշխատակիցների գործադուլը:
