Բրիտանական The Daily Telegraph պարբերականի փոխանցմամբ՝ Իրանի առողջապահության նախարարությունը հաստատել է երկրում ծնելիության վերահսկման քսանամյա քաղաքականությունից հրաժարվելը:
Համապատասխան որոշումն ընդունվել է Իրանի գերագույն ղեկավար ու հոգևոր առաջնորդ, այաթոլլահ Ալի Խամենեիի այն ելույթից հետո, որում նա հայտարարել է, որ երկրի բնակչությունը պետք է հասնի 150-200 միլիոն մարդու: Ներկայումս Իրանում բնակվում է ավելի քան 75 միլիոն մարդ:
Ավելի վաղ, իրանական իշխանությունները, վախենալով ռեսուրսների պակասից, ամեն կերպ սահմանափակում էին բնակչության աճը՝ զգալի գումարներ վատնելով դրա վրա: Խամենեիի ելույթից հետո որոշվել է վերջ տալ այդ ամենին: Ավելին, պետությունը 10 միլիարդ դոլար է հատկացրել ծնելիության խրախուսման ու բազմազավակ ընտանիքներին աջակցելուն:
ՄԱԿ-ի տվյալներով՝ Իրանում գրանցվել է ծնելիության ռեկորդային անկում: Եթե 1986 թվականին Իրանում բնակչության տարեկան աճը կազմել 3.2 տոկոս, ապա ներկայումս այդ ցուցանիշը կազմում է միայն 1.2 տոկոս: Իշխանությունները մտահոգ են, որ այդ տենդենցի պահպանումը կհանգեցնի բնակչության ծերացմանը, ապա նաև բնակչության կրճամանը:
