Համաշխարհային տնտեսությունում արտադրության ծավալների կրճատումը կլինի եվրոպական ուժեղացվող ճգնաժամի հետևանք: Այս մասին ասվում է Արժույթի միջազգային հիմնադրամի (ԱՄՀ) զեկույցում (Spillover Report):
Հիմնադրամի փորձագետների կարծիքով` չնայած այն բանին, որ ճգնաժամն արդեն կուլ է տվել ողջ Եվրոպան, ուժեղ վնաս նա դեռ չի հասցրել աշխարհի մյուս երկրներին:
Այն դեպքում, եթե ճգնաժամը հանգեցնի հերթական հզոր ցնցմանը, եվրոգոտու ՀՆԱ-ն կարող է կրճատվել 5%-ով այն ժամանակ, երբ ամերիկյան ՀՆԱ-ն նվազել է 2%-ով:
Ճապոնական տնտեսության կորուստները կարող են կազմել 1%:
Հաշվի առնելով զարգացող երկրներում տնտեսական աճի թույլ տեմպերը` արտադրանքի արտադրման ծավալների կորուստը կհանգեցնի ռեցեսիայի, նկատում են ԱՄՀ-ում:
ԱՄՀ-ն Spillover Report-ը հրապարակում է երկրորդ անգամ: Այդ զեկույցները նախատեսված են թույլ տալ հասկանալու, թե ինչպես է մի տարածաշրջանի խնդիրն ազդում համաշխարհային տնտեսության վրա, հաղորդում է Interfax-ը:
Այն բոլոր հնարավոր սթրեսների թվում, որոնց կարող է բախվել համաշխարհայյին տնտեսությունը, ԱՄՆ-ում «ֆիսկալ ճեղքվածքն» է, ՉԺՀ-ում տնտեսականան վերելքի տեմպերի կտրուկ դանդաղումը և Ճապոնիայի պարտքային ճգնաժամը, նկատում են ԱՄՀ-ում:
