Բրազիլիայում սկսվել է կոռուպցիայի մեջ մեղադրվող քաղաքական գործիչների ու պետական պաշտոնյաների նկատմամբ հարուցված դատական գործը: Դատավարությունն արդեն ստացել է «դարի գործ» անվանումը:
Ինչեպես հաղորդում է «Վեստին», Դաշնային գերագույն տրիբունալում դատապարտյալների աթոռին 38 մարդ է, որոնք առնչություն ունեն 2005թ. սկանդալին, որը ցնցեց Բրազիլիայի իշխող շրջանակները ու նախագահ Լուլա դա Սիլվայի կառավարությունը:
Այն ժամանակ հայտնի էր դարձել, որ խորհրդարանի մի խումբ պատգամավորներ ամենամսյա կաշառք էին ստացել` կառավարական օրինագծերին աջակցելու համար:
Խոսակցություններ էին շրջանառվում նաև, որոնք կասկածին տակ էին դնում Լուլա դա Սիլվայի նախընտրական քարոզչության թափանցիկությունը:
Կաշառքների մասին գործը ուղղակիորեն շոշափում է բրազիլական քաղաքական էլիտայի վերնախավի շահերը ու,անկասկած, կազդի երկրում քաղաքական ուժերի դասավորության վրա. դատապարտյաների աթոռին կհայտնվի միանգամից 3 նախկին նախարար:
