Վանո Սիրադեղյանի եղբայր Սերոժի որդին՝ Մուշեղ Սիրադեղյանը, «ժողովուրդ»-ի հետ զրույցում խոսելով Սիրադեղյանի նկատմամբ առաջադրված սպանությունների ծանր մեղադրանքների մասին, ասել է. «Հնարավոր է, որ այդ համակարգում այդ ժամանակ սպանություններ արված լինեն: Բայց հնարավոր չէ, ամեն մարդ էլ հասկանում է, որ Վանոն չէր կարող սեփական նախաձեռնությամբ ենթադրենք Պողոսին կանչեր ու ասեր՝ գնա՛ էն մարդուն, մյուսին կամ այն մեկին խփի, սպանի»,- ապա թերթը հավելում է.
«Եթե դա նույնիսկ արվել է, ապա արվել է մարդկանց ինչ-որ խմբի կողմից: Եվ եթե այսօր այդ խմբի մարդկանցից մեկը քաղաքական գործիչ է կամ ազատության մեջ է, ուրեմն ամեն ինչ բարդում է Վանոյի վրա: Իսկ Վանոյին էլ դարձնում են քավության նոխազ»: Թե ում նկատի ուներ եղբորորդին, չմանրամասնեց՝ հորդորելով այլևս հարցեր չտալ»:
