Հնդկաստանի վարչապետը փոփոխություններ է իրականացրել կառավարությունում. էներգետիկայի նախարար Սուշիլա Կումարա Շինդեին նշանակել են ներքին գործերի նախարարի պաշտոնում: Այս մասին հաղորդում է The Hindustan Times թերթը: Agence France-Presse-ը այս պաշտոնյայի դիրքի փոփոխությունը բարձրացում է անվանում:
71-ամյա Շինդեն իր կարիերայի ընթացքում առաջին անգամ կգլխավորի ԱԳՆ-ն: Նա այս պաշտոնին է անցել այն բանից հետո, երբ նախորդ նախարարը նշանակվել է ֆինանսների նախարարի պաշտոնում: The Times of India թերթը նրա հեռանալը հին պաշտոնից անվանել է խորտակվող Տիտանիկի վրա նավապետի փոփոխություն:
Շինդեն հեռանում է նախարարությունից էներգետիկական ճգնաժամի շեմին, որը կաթվածահար է արել Հնդկաստանը: Հուլիսի 31-ին էլեկտրականությունը անջատվել է երկրի կեսից ավելիի տարածքում, գրեթե 600 մլն մարդ առանց լույսի է մնացել: 300 հզ մարդ մնացել է գնացքների մեջ, իսկ ճանապարհներին քաոս է տիրում, որովհետև լուսացույցները չեն աշխատել:
