Թուրքիա-Հունաստան-Իտալիա գազամուղի նախագիծը, որով ադրբեջանական բնական գազը փոխադրվելու է Եվրոպա, օգուտ կբերի ոչ միայն այդ երկրներին, այլեւ ամբողջ Եվրոպային: Այդ մասին Anadolu գործակալությանը տված հարցազրույցում հայտարարել Է Հունաստանի արտաքին գործերի փոխնախարար Սպիրոս Կուվելիսը: Նշելով, որ Ադրբեջանը, Թուրքիան, Հունաստանը եւ Իտալիան հաջողությամբ իրացնում են այդ կարեւոր նախագիծը, Հունաստանի պաշտոնական ներկայացուցիչն ընդգծել Է, որ Եվրահանձնաժողովը նույնպես միշտ էլ պաշտպանել է այդ գազամուղի նախագիծը: Նա հայտարարել է, որ Թուրքիա-Հունաստան-Իտալիա գազամուղը երբեք չի մրցակցել Nabucco նախագծի հետ: Երկու նախագծերն էլ անհրաժեշտ են Եվրոպայի էներգետիկական անվտանգության համար: «Իսկ ամենագլխավորն այն է, որ Թուրքիան եւ Հունաստանը միավորեցին իրենց ջանքերը Եվրոպա էլ ավելի մեծ ծավալներով ադրբեջանական գազ փոխադրելու համար»,-ասել է Կուվելիսը: