Սաուդյան Արաբիայի ձյուդոիստուհի Վոյդան Ալի Սերայ Աբդուլռահիմ Շահերքանիին թույլատրել են Օլիմպիադայում հանդես գալ հիջաբով, հաղորդում է Al-Jazeera-ն:
Ավելի վաղ, Ձյուդոյի միջազգային ֆեդերացիան դեմ էր հանդես եկել, որ Սաուդյան Արաբիայի մարզուհին հանդես գա հիջաբով: Սակայն նա հայտարարել էր, որ առանց հիջաբի մրցույթին չի մասնակցի, քանի որ դա անհրաժեշտ էʽ անվտանգության նկատառումներից ելնելով:
Սաուդյան Արաբիայի Ազգային օլիմպիական կոմիտեի ներկայացուցիչները հայտարարել են, որ հուլիս 30-ին ՄՕԿ-ը և Ձյուդոյի միջազգային ֆեդերացիան, այնուամենայնիվ, որոշել են թույլ տալ նրան հանդես գալ մուսուլմանական ավանդական հագուստով՝ չհստակեցնելով, թե կոնկրետ ինչ տեսք պետք է ունենա գլխաշորը:
Ձյուդոիստուհի Վոյդան Ալի Սերայ Աբդուլռահիմ Շահերքանին և վազորդուհի Սարա Աթարը առաջին կին մարզիկներն են Սաուդյան Արաբիայի պատմության մեջ, որոնք մտել են այդ երկրի օլիմպիական պատվիրակության մեջ:
