Ֆրանսիայի և ԱՄՆ-ի հարաբերություններում բավականին նուրբ խնդիր է առաջացել, որին խառնվել է անձամբ Ֆրանսուա Օլանդը: Ֆրանսիական առաջնորդը խոստացել է անձամբ պայքարել հուլիսի 1-ից Կալիֆոռնիա նահանգում ուժ ստացած ֆուա-գրայի արգելքի դեմ: Նախագահը որոշել է բոլոր ջանքերը ներդնել ֆրանսիական հայտնի ուտեստը փրկելու համար:
«Ֆուա-գրան հայտնի ֆրանսիական ուտեստ է, այն ֆերմերների հպարտությունն է, որոնք իրենց կյանքը նվիրաբերել են դրան: Ես թույլ չեմ տա սպառնալ ֆուա-գրայի արտահանմանը»,- հայտարարել է Ֆրանսիայի նախագահը հարավ-արևմուտքի ֆերմաներից մեկում այցի ժամանակ:
Օլանդը նշել է, որ արգելքը չի համապատասխանում ազատ առևտրի սկզբունքներին, հանուն որի միշտ պայքարում է ԱՄՆ-ը, իսկ արտադրանքը համապատասխանում է կենդանիների հարմարավետ կյանքի բոլոր պայմաններին:
Ֆրանսիան ֆուա-գրայի հիմնական արտադրողն է: Երկրում տարեկան արտադրվում է 16 մլն տոննա ֆուա-գրա:
