«Սարդարապատ» շարժման մշակույթի հանձնաժողովի համակարգող Լալա Մնեյանը և կոմիտասագետ, մշակութաբան Արթուր Շահնազարյանը համոզված են, որ անհրաժեշտ է պայքար տանել հայկական իրականությունից թուրքական մշակութային տարրերը արմատախիլ անելու համար, և դա ոչ միայն մշակութագետների խնդիրն է, այլ ազգային անվտանգության:
Թուրքական մշակույթի դեմ լավագույն հակաթույնը, ըստ բանախոսների, Կոմիտասի երգերն են:
«Կոմիտասի երգերը պարզապես երգեր չեն. դա հայկական ամբողջ մշակույթն է երաժշտության տեսքով»,-ասաց կոմիտասագետը:
Բանախոսները նախատեսում են ամբողջ Հայաստանով տարածել երգերի բառերն ու երաժշտությունը սկավառակներով և հեռուստատեսային եթերով, որպեսզի մարդիկ սովորեն և վերադառնան ազգային երաժշտության արմատներին:
