Անգլիական «Տոտենհեմ»-ի պաշտպան Գարեթ Բեյլը շատ վրդովված է երեկ տեղի ունեցած միջադեպից. «Լիվերպուլ»-ն ու «Տոտենհեմ»-ը ընկերական խաղ էին անցկացնում, որի ընթացքում «Լիվերպուլ»-ի շոտլանդացի ֆուտբոլիստը թիկունքից հարվածել է Բեյլի կոճին՝ վնասվածք պատճառելով վերջինիս:
«Ադամը փոքր-ինչ թուլամորթ է: Այն, ինչ նա արեց, չափի մեջ չէր: Որոշ մարդիկ ասում են, թե նա ուղղակի ուզում էր փակել ինձ, բայց նրա արածն անընդունելի է: Լավ է, երբ հակառակորդը ուզում է փակել ֆուտբոլիստին, բայց երբ նա այնպես է անում, որ վտանգ սպառնա այդ ֆուտբոլիստի կարիերային, ապա դա շատ ավելի լուրջ է: Այսպիսի կեղտոտ քայլից հետո սովորաբար ներողություն են խնդրում, բայց ես դրան չեմ սպասում, ավելին՝ չեմ էլ պատրաստվում ընդունել նրա ներողությունը»,- ասել է Գարեթ Բեյլը:
