Լեզվի տեսչության պետ Սերգո Երիցյանը «Առաջին լրատվականի» հետ զրույցում ՀՀ կրթության զարգացման 2011-2015թ.թ. պետական ծրագիրը բավականին հետաքրքիր որակեց, քանզի այն իր մեջ ներառում է վերջին տարիների կրթական բարեփոխումները եւ մինչեւ 2015թ. հիմնական ուղենիշը:
Երիցյանի կարծիքով, ծրագիրն արձանագրում է երեք հիմնական խնդիրների լուծում` կրթության մատչելիություն, գրավչության եւ որակի ապահովում. «Որակի նկատմամբ մեծ հսկողությունը կարող է նվազեցնել նաեւ կոռուպցիոն ռիսկերը: Բնական է, կոռուպցիոն ռիսկերը պետք է փնտրել այնտեղ, որտեղ չկա գիտելիք»:
Ս. Երիցյանի գնահատմամբ, աշխատավարձերի բարձրացման ճանապարհով պետք է բացառել կոռուպցիոն ռիսկերի գոյությունը. «Մեկ գործիքը չի կարող այդ խնդիրը հիմնարար լուծել, բոլոր գումարելիները պետք է հաշվի առնել եւ դրանցից յուրաքանչյուրը կարող է նվազեցնել կոռուպցիոն ռիսկերը»:
