Shirakcentre.org-ի փոխանցմամբ` աղետի գոտին վերականգնելու համար եկած շինարարների համար 24 տարի առաջ կառուցված բարաքներում վաղուց բնակվում են անօթևան ընտանիքներ:
1988-ի դեկտեմբերյան երկրաշարժի հետևանքները վերացնելու և աղետի գոտին վերականգնելու նպատակով Գյումրի` օգնության եկած շինարարների համար դեռևս 24 տարի առաջ կառուցված բազմաթիվ ժամանակավոր կացարաններ մինչև օրս պահպանվում են, միայն թե դրանցում վաղուց ապրում են ոչ թե շինարարներ, այլ անօթևան և աղքատ գյումրեցիներ, որոնց գերակշիռ մասը պետության կողմից բնակարանային փոխհատուցման հերթացուցակներում հաշվառված չեն:
Գյումրու ծայրամասերից մեկում` քարուքանդ ու անանցանելի Սավոյան փողոցում գտնվող այդպիսի մի, գյումրեցիների լեզվով ասած, մոդուլում կամ բարաքում բնակվում են 10 ընտանիք, որոնցից շատերն ունեն երկու և ավելի մանկահասակ երեխաներ: Այսօր մենք որոշեցինք այցելել այդ ընտանիքներին` նրանց կացարանային պայմաններին ծանոթանալու և ամերիկահայ բարերար Էլվիս Մադաթյանի կողմից ուղարկված օգնությունը այնտեղ բնակվող բոլոր ընտանիքներին բաժանելու նպատակով:
Ներկայացվող տեսանյութը «Ոչ մի երեխա դպրոցից չպետք է դուրս մնա հագուստ և գրենական պիտույքներ չունենալու պատճառով» բարեգործական ծրագրի շրջանակում «Շիրակ կենտրոնի» այսօր իրականացրած բարեգործական ակցիայի մասին է:
