Ինչպես հայտնում է Gamasutra կայքը, Ֆրանսիան, Իսպանիան, Իտալիա, Չինաստանն ու Բրազիլիան ճանաչվել են այն երկրները, որտեղ ավելի հաճախ, քան այլ երկրներում ապօրինի կերպով ներբեռնում և պատճենում են խաղերը:
Այս տվյալները հրապարակել է ամերիկյան զվարճանքների ծրագրային ապահովման ասոսիացիան (ESA): Տվյալների հավաքման ժամանակ գնահատվում էր առաջին հերթին ֆայլերի փոխանակմամբ զբաղվող ցանցերի օգտատերերի գործունեությունը: Պարզվել է, որ վերոնշյալ 5 պետություններին ընդհանուր առմամբ բաժին է ընկնում նմանատիպ ցանցերի միջոցով խաղերի ներբեռնման 54%-ը:
Ինչպես նշում է ESA-ն, 2010թ.-ին օգտատերերը ներբեռնել են 144 մլն խաղ: Ֆրանսիայի, Իսպանիայի, Իտալիայի, Չինաստանի և Բրազիլիայի բնակիչները դա արել են 78 մլն անգամ: