Թուրքիայի «Արդարություն և զարգացում» իշխող կուսակցության գործադիր քարտուղար Հուսեյն Չելիքը կոչ է արել երկրում ԱՄՆ նորանշանակ դեսպան Ֆրենսիս Ռիկարդոնեին զգուշավորություն ցուցաբերել խոսքի ազատության մասին հայտարարություններում, տեղեկացնում է 1news.az-ը:
«Դեսպանները լիազորված չեն միջամտել մեր երկրի ներքին գործերին: Ամեն ինչ չափ ունի»,- ասել է Չելիքը:
ОdaTV տեղեկատվական պորտալի գլխավոր խմբագիր Սոներ Յալչընի ձերբակալության վերաբերյալ ԱՄՆ դեսպանի հայտարարությանն անդրադարձել է նաև Թուրքիայի փոխվարչապետ Բյուլենթ Արընչը:
«Երեկ հանդիպել ենք դեսպանի հետ, և նա գովաբանում էր Թուրքիայում ժողովրդավարացման գործընթացը: Գուցե հիմա դեսպանը հայտնվել է մամուլի ազդեցության տակ»,- ասել է Արընչը:
