Սիրիայի կառավարական ուժերը սկսել են ապստամբներից «մաքրել» Հալեպ քաղաքի թաղամասերը: Այս մասին հաղորդում է Agence France-Presse-ը՝ վկայակոչելով Լոնդոնում տեղակայված Մարդու իրավունքների պաշտպանության մոնիտորինգի կենտրոնը (OSDH):
«Վերջին օրերին կուտակված համալրումները քաղաքի կենտրոնի մատույցներից շարժվում են Սալահ ադ-Դին թաղամաս, որտեղ հաշվվում են առավել մեծ թվով զինյալներ… Կարելի է ասել` գրոհը սկսվել է»,- գործակալության հետ զրույցում ասել է OSDH-ի ղեկավար Ռամի Աբդուլռահմանը:
Հալեպի դեպքերի ականատեսներից մեկը ավելի վաղ RIA Novosti-ին հայտնել էր, որ երկու օր առաջ Սալահ ադ-Դին թաղամասում զինյալները փորձել են դուրս գալ շրջափակումից, սակայն հետ են մղվել:
