Բրազիլիայի՝ մինչև 23 տարեկանների ազգային հավաքականի ֆուտբոլիստ Օսկարը խոսել է Լոնդոն-2012-ի շրջանակներում կայացած Բրազիլիա-Եգիպտոս հանդիպման մասին: Չնայած բրազիլացիների կամային հաղթանակին՝ Եգիպտոսի հավաքականի ֆուտբոլիստները շատ լավ խաղացին երկրորդ խաղակեսում՝ հաշիվը 3-0-ից դարձնելով 3-2:
«Շատ բարդ է նորամուտ ունենալ նման մրցաշարում: Մենք անցկացրինք հրաշալի առաջին խաղակես: Ինչ վերաբերում է երկրորդ խաղակեսին, մենք մի փոքր անփույթ էինք. երբ երկրորդ կեսին մտանք խաղադաշտ, զգոնությունը կորցրել էինք ու թույլ տվեցինք Եգիպտոսի ընտրանուն առաջխաղացում ունենալ: Իսկ նրանք կատարեցին իրենց աշխատանքը՝ դժվարություններ ստեղծելով մեզ համար, սակայն մենք կարողացանք վաստակել մեր երեք միավորը:
Մենք այնպիսի սխալներ արեցինք, որպիսիք չէինք կարող պարզապես թույլ տալ: Պետք է աշխատենք այդ սխալների վրա: Մեր թիմն ամեն խաղից հետո աճում ու բարելավվում է»:
