Էլեկտրոնիկա արտադրող հարավկորեական LG Electronics հայց է ներկայացրել ԱՄՆ-ի միջազգային առևտրի հանձնաժողովին ընդդեմ ճապոնական Sony ընկերության` մեղադրելով վերջինիս մի քանի արտադրատեսակների գծով հեղինակային իրավունքի խախտան մեջ: Այս մասին հաղորդում է РИА Новости-ն:
«Մենք 2 հայց ենք ներկայացրել Sony-իի դեմ` 4 պատենտների խախտում թվային հեռուստացույցների ոլորտում և 4 պատենտի խախտում` խաղային տեխնելոգիաների և հարակից ապրանքների ոլորտում»,- հայտարարել է LG Im Seye-ի մամլո քարտուղարը:
Բացի դրանից` հարավկորեական ընկերությունը 2 հայց է ներկայացրել Կալիֆոռնիայի շրջանային դատարան իր ճապոնական մրցակցի դեմ` մեղադրելով նրան զանազան հեղինակային իրավունքների, այդ թվում հեռուստացույցների, անհատական համակարգիչների և տեսախցիկների հետ կապված խախտումների մեջ:
ԱՄՆ-ի միջազգային առևտրի հանձնաժողովը իրավունք ունի արգելել հեղինակային իրավունքը խախտած ընկերության արտադրած ապրանքների ներմուծումը ԱՄՆ:
Հետաքրքիր է, որ այս հայցերը հարավկորեական ընկերությունը ներկայացրեց դատարան այն բանից հետո, երբ sony-ն դատի տվեց իրեն այնպիսի բջջային հեռախոսներ ու մոդեմներ ԱՄՆ ներմուծելու համար, որոնք խախտում էին հեղինակային իրավունքը:
