Հյուսիսային Կորեայի և ԱՄՆ-ի առաջնորդներ Կիմ Չեն Ընի և Դոնալդ Թրամփի հանդիպումը կարող է Շվեյցարիայում տեղի ունենալ։ Այս մասին հաղորդում է NBC հեռուստաալիքը։
Նշվում է, որ վերջնական որոշում դեռ կայացված չէ։ Քննարկվել են նաև հանդիպումը Պեկինում, Փհենյանում կամ Ուլան Բատորում անցկացնելու տարբերակները։ Սական անվտանգության նկատառումներից ելնելով՝ դրանք մերժվել են։
«Պաշտոնյաների խոսքով՝ դրա փոխարեն ամերիկացի պաշտոնատար անձինք կողմ են ավելի չեզոք վայրերի, ցանկալի է՝ Եվրոպայում, Շվեյցարիան նախընտրելի տարբերակների թվում է»,-հայտնում է հեռուստաալիքը։
