Սպորտսմենուհին սոցցանցի իր էջում դստեր՝ Օլիմպիա Ալեքսիս Օհանյանի հետ հուզիչ նկար է տեղադրել։ Աղջկա ծնունդից հետո Սերենա Վիլյամսի Instagram-ի էջը վերածվել է Օլիմպիա Ալեքսիս փոքրիկի ֆոտոօրագրի։ Երիտասարդ մայրիկը նախանձելի ջանասիրությամբ տեղադրում է նորածին դստեր նկարները, և երկրպագուները կարող են հետևել, թե ինչպես է աճում փոքրիկը։ Մի քանի ժամ առաջ սպորտսմենուհու սոցցանցի էջում նոր նկար է հայտնվել։ Նկարում Սերենան համբուրում է դստերը։ Երկրպագուները նշում են, որ փոքրիկն օրեցօր ավելի է նմանվում հորը։ Նկարի մեկնաբանություններում բաժանորդները Սերենային և նրա ամուսնուն ընտանեկան մեծ երջանկություն և շատ երեխաներ են ցանկացել։
