28-ամյա պորտուգալացի երգիչ Սալվադոր Սոբրալը դուրս է գրվել Լիսաբոնի Santa Cruz հիվանդանոցից, որտեղ նա մեկ ամիս առաջ սրտի փոխպատվաստման բարդ վիրահատության է ենթարկվել։
Սալվադորի մտերիմները շնորհակալություն են հայտնել նրա երկրպագուներին աջակցության համար և խոստացել են, որ շուտով նորություններ կհայտնեն Սալվադորի՝ բեմ վերադառնալու վերաբերյալ։ Իսկ հիմա նա դեռևս վերականգնողական փուլում է և պետք է խուսափի ծանրաբեռնվածությունից և մարդկանց կուտակումներից։
Հիշեցնենք, որ ի ծնե ունեցած սրտի արատի պատճառով՝ Սալվադոր Սոբրալը չկարողացավ ընդհանուր հիմունքներով մասնակցել «Եվրատեսիլին»։ Նա բաց էր թողել կիսաեզրափակչի փորձը և Կիև էր ժամանել միայն գլխավոր փորձից առաջ։ Արդյունքում Սալվադորը հավաքեց մրցույթի պատմության մեջ ռեկորդային 758 բալ։
