Պակիստանցի իրավապաշտպան Մալալա Յուսուֆզայը, ով 2014 թվականին արժանացել էր Խաղաղության Նոբելյան մրցանակի, ընդունվել է հեղինակավոր բրիտանական Օքսֆորդի համալսարան՝ հաջող հանձնելով քննությունները։ Այս մասին աղջիկը հայտնել է իր թվիթերյան էջում։
Օքսֆորդում նա կսովորի «Փիլիսոփայություն, քաղաքականություն և տնտեսություն» ծրագրով։
«Այնքան հուզված եմ Օքսֆորդ ընդունվելու առիթով։ Շնորհավորում եմ A-level –ի բոլոր ուսանողներին, ամենադժվար տարին է։ Ապագայի լավագույն մաղթանքներով»,-գրել է նա։
Մալալան հայտնի էր դարձել՝ շնորհիվ իր բլոգի, որը նա սկսել էր վարել 11 տարեկանում՝ BBC հեռուստառադիոկորպորացայի համար։ Այնտեղ նա պատմել էր թալիբների ռեժիմի պայմաններում իր կյանքի մասին, քննադատել «Թալիբան» շարժմանը և պաշտպանել աղջիկների կրթության իրավունքը։ 2012 թվականին նրա դեմ մահափորձ էր կատարվել։ Աղջիկը գլխի ծանր վնասվածք էր ստացել և երկու բարդ վիրահատության ենթակվել Մեծ Բրիտանիայում։