2018-ից նախատեսվում է միկրոավտոբուսները դուրս բերել շահագործումից, փոխարենը մտցնել ավտոբուսներ, իսկ վճարումը դարձնել էլեկտրոնային:
Այս առնչությամբ «Առաջին լրատվական»-ը հարցում անցկացրեց վարորդների շրջանում: Նրանցից մեկի խոսքով՝ «պարզ չի, որ, ասենք, շոֆեռը բարձր ռոճիկ ստանա, ավելի լավ… հիմի, ասենք, ես վեկալում եմ փողը, տանում պլան եմ տալի: Բայց ինձ որ հանեցին, ես մեծ ավտոբուս չեմ քշի, ես էլ չեմ աշխատի: Առանց էն էլ ես ապրում եմ 23 հազար դրամ թոշակով»:
Ինչպես նկատեց մեր զրուցակիցը, երթուղին եթե կիսվի, ժողովուրդն է տուժելու. «Հիմի տալիս ա 100 դրամ, մի ծերից գնում ա մյուսը, էն վախտ կտա 200-300 դրամ: Է, ի՞նչ ա ստանում էս խեղճուկրակ ժողովուրդը, որ էդքան գումար տա տրանսպորտին»:
Վարորդներից մեկի խոսքով էլ՝ իրենք չեն աշխատել վճարման էլեկտրոնային համակարգով, ուստի չգիտեն՝ դա լա՞վ է լինելու, թե՞ վատ:
«Մեզ համար էլ հաճելի չի, որ մեկը կզում ա, մյուսը 5000 ա տալիս, ասում ես՝ մանր չունեմ, ներվայնանում է»,- ասաց վարորդներից մյուսը՝ հավելելով, որ նորմալ են վերաբերվում նաև «Ելք» դաշինքի ավագանու նախաձեռնությանը՝ տրանսպորտում երաժշտությունը արգելելու մասին:
Մանրամասները՝ տեսանյութում:
