Գերմանիայի նախարարների խորհուրդն ընդունել է պաշտպանության նախարար Ուրսուլա Ֆոն դեր Լեյենի առաջարկը գերմանացի զինվորներին թուրքական Ինջիրլիքի ռազմաբազայից դուրս բերելու վերաբերյալ: Այս մասին հայտնում է գերմանական Deutsche Welle-ն:
Քանի որ գերմանացի զինվորներն Ինջիրլիքի ռազմաբազա ուղարկելու մասին որոշումը կայացրել է դաշնային խորհրդարանը, անհրաժեշտ է նաև, որ այդ որոշումը կայացնի նաև խորհրդարանը:
Դաշնային խորհրդարանի զինված ուժերի հարցերով զեկուցող Հանս-Պետեր Բարթելսը նախքան նախարարների խորհրդի կողմից որոշման ընդունումը լրագրողներին ասել է, որ Ինջիրլիքի հետ կապված որոշման ընդունման գործում պետք է ներգրավված լինեն նաև պատգամավորները:
Գերմանիայի Կանաչների կուսակցության խորհրդարանական խմբակցության նախագահ Անտոն Հոֆրայթերը և Ձախերի կուսակցության խմբակցության ղեկավար Դիետմար Բարչը ևս լրատվամիջոցներին ասել են, որ վերջին խոսքը պետք է ասի խորհրդարանը: