58-ամյա Մադոննան նոր սիրավեպ է սկսել: Այս անգամ նրա ընտրյալը 31-ամյա պորտուգալացի Քևին Սամպայոն է, ով կարիերա է կերտում մոդելային բիզնեսում: Այս մասին հայտնում է radaronline.com-ը:
Հաղորդվում է, որ Մադոննան Քևինի հետ ծանոթացել է մեկ տարի առաջ, երբ նա մասնակցել է իր Bitch, I am Madonna տեսահոլովակի նկարահանումներին: Բայց այդ ժամանակ երգչուհին տարված էր ուրիշ գեղեցիկ երիտասարդով՝ կոտդիվուարցի Աբուբաքր Սումահորոյով:
radaronline.com-ի աղբյուրի տեղեկացմամբ՝ Մադոննային և Քևինին միասին տեսել են մի քանի ամիս առաջ: Այդ ժամանակ նրանք ճաշել են Նյու-Յորքի ռեստորաններից մեկում: Նշվում է, որ վերջերս երգչուհու և Քևինի հարաբերություններում արագ առաջընթաց է դիտվում: Ըստ պարբերականի՝ նրանք մտածում են միասին ապրելու մասին: Քանի որ Սամպայոն ժամանակի զգալի մասը Լիսաբոնում է անցկացնում, Մադոննան լրջորեն մտածում է Պորտուգալիա տեղափոխվելու մասին: