Բաքվում Ադրբեջանի դեսպան Դիմիտրիոս Ցոունգասին կանչել են դրբեջանի ԱԳՆ՝ Արցախի Հանրապետության արտգործնախարարի այցի կապակցությամբ: Այս մասին հաղորդում է RIA Novosti-ն՝ վկայակոչելով Ադրբեջանի ԱԳՆ-ի պաշտոնական ներկայացուցիչ Հիքմեթ Հաջիևին:
Նշենք, որ Արցախի ԱԳ նախարար Կարեն Միզոյանը մարտի 13-15-ին գտնվել է Հունաստանում:
Հաջիևի խոսքով՝ Բաքվում Հունաստանի դեսպանը ԱԳՆ է կանչվել այդ երկիր Արցախի ներկայացուցչի այցի կապակցությամբ: «Նրան փոխանցել ենք դրբեջանական կողմի դժգոհությունը և անհանգստությունը»,-ասել է Ադրբեջանի ԱԳՆ-ի ներկայացուցիչը:
Բաքվում Հունաստանի դեսպանը նշել է, որ իր երկրին կհասցնի ադրբեջանական կողմի դիրքորոշումը:
«Հունաստանի ԱԳՆ-ից Բաքվին հայտնել են, որ Միրզոյանի այցը անձնական բնույթ է կրել, նա պաշտոնական հանդիպումներ չի անցկացրել»,-ասել է Հաջիևը:
Հիշեցնենք, որ Հունաստան կատարած աշխատանքային այցի շրջանակներում մարտի 13-ին Արցախի արտաքին գործերի նախարար Կարեն Միրզոյանն Աթենքում հանդիպել է ՀՅԴ Հունաստանի Կենտրոնական կոմիտեի անդամների հետ։ Հանդիպմանը ներկա էր նաև Հունաստանում ՀՀ արտակարգ և լիազոր դեսպան Ֆադեյ Չարչօղլյանը։
Ինչպես տեղեկացրել են Արցախի Հանրապետության արտգործնախարարության տեղեկատվական վարչությունից, ԱԳ նախարարը ներկայացրել է Արցախում առկա իրավիճակը և արձանագրված ձեռքբերումները, ինչպես նաև անդրադարձ կատարել Հանրապետության միջազգային ճանաչման գործընթացին և ադրբեջանա-ղարաբաղյան հակամարտության խաղաղ կարգավորման ներկա փուլին։
