Հայաստանի վարչապետ Կարեն Կարապետյանն այսօր Երևանի պետական համալսարանում հանդիպել է ուսանողների հետ, ներկայացրել Կառավարության կատարած աշխատանքը վերջին հինգ ամիսների ընթացքում ու անդրադարձել Կառավարության տեսլականին:
Ուսանողներից մեկին հարցին, թե որո՞նք են երիտասարդության խնդիրները և ինչ ախտորոշում է տրվել դրանց, վարչապետը պատասխանեց. «Ես երիտասարդներին ախտորոշում չեմ կարող տալ, որովհետև իրենք շատ ավելի լավն են, քան ես, հետևաբար այդ իրավունքը չունեմ:
Ես բազմիցս եմ ասել՝ ակտիվ ողեք, ձեր կարծիքը հայտնեք, հարմարվող մի՛ եղեք, ակտիվ մասնակցեք մեր նախաձեռնություններն կամ դուք հանդես եկեք ձեր նախաձեռնություններով»,-ասաց վարչապետը և հավելեց՝ ինչպե՞ս կարող եմ ամենապոտենցիալ շերտին գնահատական տալ: