ԱՄՆ-ն ակտիվացրել է զենքի մատակարարումը Սիրիայի քրդական Ժողովրդավարարական միություն կուսակցությանը, որին Անկարան համարում է ահաբեկչական կազմակերպություն։ Այս մասին հաղորդում է Anadolu գործակալությունը՝ վկայակոչելով իր աղբյուրներին։
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել է, որ ինքն ապացույցներ ունի առ այն, որ ԱՄՆ-ի կողմից ղեկավարվող կոալիցիան աջակցում է ահաբեկչական կազմակերպություններին, այդ թվում՝ ԴԱԻՇ-ին։ ԱՄՆ Պետդեպը ծիծաղաշարժ է անվանել Թուրքիայի նախագահի այս հայտարարությունը։
Անցած շաբաթ Անկարայում ԱՄՆ դեսպան Ջոն Բասը հայտարարել է, որ Վաշինգտոնն ուղիղ աջակցություն չի ցուցաբերում Ժողովրդավարարական միություն կուսակցությանը, սակայն գործակալության տվյալներով՝ միայն վերջին 2 շաբաթվա ընթացքում 3 անգամ ամերիկյան զենք է մատակարարվել Սիրիայի Ալ-Հասակա հյուսիսային շրջան է, ինչպես օդային, այնպես էլ ցամաքային տարբերակով։
Anadolu-ի փոխանցմամբ՝ վերջին խոշոր մատակարարումը տեղի է ունեցել երեքշաբթի երեկոյան։
