Business Insider պարբերականի փոխանցմամբ՝ Բիլ և Մելինդա Գեյթսերի հիմնադրամը ֆինանսավորել է առանց ջրի աշխատող զուգարանակոնքի ստեղծումը։ Նոր տեխնոլոգիայի մշակման վրա ծախսվել է ավելի քան 710.000 դոլար։
Այն ստեղծել են ֆրանս-բրիտանական Քրենֆիլդի համալսարանի ներկայացուցիչները։ Նրանք այնպես են նախագծել այն, որ կափարիչի փակվելուց հետո զուգարանակոնքի ամանը շրջվում է 270 աստիճանով և իր պարունակությունը նետում է բաքի մեջ։
Զուգարանակոնքը մշակվել է հատուկ աղքատ շրջանների համար, որտեղ հազարավոր մարդիկ ապրում են հակասանիտարական պայմաններում, որտեղ հասու չէ մաքուր ջուրը։ «Անջուր» զուգարանակոնքերը հիգիենիկ են և թույլ են տալիս ջուր տնտեսել։ Նոր զուգարանակոնքերը կփորձարկվեն Աֆրիկայում։