Կասանդրա Դե Պիկոլը՝ երիտասարդ ճանապարհորդ Կոննեկտիկուտից, իր առջև դրել է կարճ ժամանակում աշխարհի բոլոր երկրներն այցելելու նպատակ։ Նրա զարմանալի ուղևորությունը կոչվում է «Արշավ 196», և նա ճանապարհորդում է որպես խաղաղության դեսպան Խաղաղության միջազգային ինստիտուտի անունից։
Նա սկսել է իր ճանապարհորդությունը 2015 թվականից՝ Պալաու կատարած ուղևորությունից։ Այդ ժամանակվանից ի վեր նա եղել է արդեն 181 երկրում։
Նա հույս ունի դառնալ պատմության մեջ առաջին կինը, ով կայցելի աշխարհի բոլոր՝ 196 երկրներ։
Կասանդրային մնում է առաջիկա 40 օրում այցելել ևս 15 երկիր։
Եթե նա հասցնի դա անել, ապա կսահմանի Գինեսի համաշխարհային ռեկորդ որպես պատմության մեջ ամենաարագ ճանապարհորդը։
Ճամփորդությունների վրա Կասանդրան արդեն մոտ 200 հազար դոլար է ծախսել, սակայն այդ ծախսերը փակվում են հովանավորների և Instagram-ում գովազդի հաշվին։