Ամերիկացի հայտնի մոդել Ջիջի Հադիդը ներողություն է խնդրել Դոնալդ Թրամփի կնոջը՝ Մելանիային ծաղրելու համար։
«Ինձ համար մեծ պատիվ էր վարել AMA մրցանակաբաշխությունը․․․ Ես խմբագրել եմ կամ հանել եմ սցենարից որոշ հատվածներ։ Այն, ինչ տեսաք շոուի ժամանակ, արվել էր կատակի համար, ես որևէ մեկին վիրավորելու մտադրություն չունեի։ Ցանկանում եմ ներողություն խնդրել բոլոր նրանցից, ում նեղացրել եմ և ամենայն բարիքն եմ մաղթում մեր երկրին։ Հարգանքով՝ Ջիջի»,-գրել է մոդելը Twitter-ում։
Հիշեցնենք, որ Ջիջի Հադիդը նմանակել էր ԱՄՆ նորընտիր նախագահ Դոնալդ Թրամփի կնոջը՝ Մելանիային, American Music Awards մրցանակաբաշխությանը։
«Ես սիրում եմ իմ ամուսնուն՝ նախագահ Բարաք Օբամային․ և իմ երեխաներին՝ Սաշային, Մալիային»,-ասել էր մոդելը՝ այս կերպ ծաղրելով սկանդալային միջադեպը, երբ Մելանիան ամբողջությամբ վերցրել էր ԱՄՆ գործող նախագահ Բարաք Օբամայի կնոջ՝ Միշելի ելույթը։
— Gigi Hadid (@GiGiHadid) November 22, 2016
