Կիրակի ժամը 06:32-ին ահազանգ է ստացվել, որ Գեղարքունիքի մարզի Մարտունի քաղաքի Նարեկացի փողոցում այրվում է վագոն-տնակ, և անհրաժեշտ է փրկարարների օգնությունը:
ՀՀ ԱԻՆ-ի մամուլի ծառայության հաղորդմամբ, դեպքի վայր է մեկնել մեկ մարտական հաշվարկ:
Պարզվել է, որ Նարեկացու փողոցի թիվ 40 տանը հարակից տարածքում այրվում է խորդանոց (մոտ 5 քմ): Հրդեհը մեկուսացվել է ժամը 06:42-ին, մարվել՝ 09:10-ին:
«Այրվել է խորդանոցը՝ ամբողջությամբ և կենցաղային իրեր: Ներսում հայտնաբերվել է 1968 թ. ծնված Հ. Ն.-ի դին», – նշվում է հաղորդագրության մեջ: