Համակարգչային ցանցը, որը կիրառում է ԱՄՆ նախագահի դեմոկրատ թեկնածու Հիլարի Քլինթոնի շտաբը, ենթարկվել է կիբերհարձակման։ Այս մասին հայտնում է Reuters գործակալությունը։ Սա ցանցահենային երրորդ հարձակումն է դեմոկրատներին պատկանող ռեսուրսների վրա։
Իրավիճակին ծանոթ աղբյուրների խոսքով՝ արդարադատության նախարարությունը հետաքննություն է անցկացնում՝ պարզելու, թե կիբերհարձակումը չի՞ սպառնում արդյոք ԱՄՆ ազգային անվտանգությանը։
Հետաքննությանը արդարադատության նախարարության ազգային անվտանգության բաժնի մասնակցությունը նշան է առ այն, որ նախագահ Բարաք Օբամայի վարչակազմը եկել է այն եզրակացության, որ կոտրման հետևում կանգնած է պատվիրատու-պետություն՝ նշել են գործակալության զրուցակիցները։
Ցանցահենները, որոնք, ինչպես հաղորդվել էր ավելի վաղ, կասկածվում են հատուկ ծառայությունների կողմից ռուսական իշխանությունների համար աշխատելու մեջ, ստացել են հասանելիություն Կոնգրեսի թեկնածուների համար միջոցների հավաքման Դեմոկրատական կուսակցության կոմիտեի ողջ ցանցին։
Ինչպես նշվում է, այդ դեպքում ցանցահենները ստացել են լիարժեք հասանելիություն բոլոր նյութերին՝ նամակներից մինչև փաստաթղթեր, որոնք վերաբերում են ռազմավարությանը, ինչպես նաև ընդդիմությանն առնչվող հետազոտություններին, որոնք կարող են օգնել ընտրություններում դեմոկրատ թեկնածուների աջակցմանը։