Ադրբեջանական Trend.az կայքի փոխանցմամբ, Ղազախստանի ՆԳՆ շենքում հանդիպել են Թուրքիայի ժանդարմերիայի գլխավոր հրամանատար Նեջդեթ Օզելը և Ղազախստանի ներքին գործերի նախարար Կալմուխանբետ Կասիմովասը: Այս մասին հայտարարել է Ղազախստանի ՆԳՆ մամլո ծառայությունը:
Հանդիպման ժամանակ կողմերը քննարկել են հանցագործության դեմ համատեղ պայքարում և հասարակական կարգի պահպանման ոլորտում թուրք-ղազախական համագործակցության հեռանկարները:
Կողմերը պատրաստակամություն են հայտնել հետագայում ընդլայնել Թուրքիայի ուսումնական հաստատություններում ղազախական ոստիկանական կադրերի պատրաստման հարցում իրենց համագործակցությունը:
Հիշեցնենք, որ ժանդարմերիան հիմնվել է դեռևս օսմանյան ժամանակներում` 1839 թվականին: Ներկայումս ժանդարմերիան ոստիկանական գործառույթներ է իրականացնում այն վայրերում, որտեղ ոստիկանությունը չի գործում։ 250,000-անոց անձնակազմ ունեցող ժանդարմերիան ենթարկվում է զինված ուժերին։