Փխենյանում են հավաքվել Հյուսիսային Կորեայի բոլոր գավառներից ավելի քան 300 խոհարարներ՝ ցուցադրելու իրենց վարպետությունը այստեղ կայանալիք խոհարարական արվեստի վեցերորդ համահանրապետական փառատոնին: Այս մասին գրում է tass.ru-ն:
Երկրում հայտնի այդ ամենամյա միջոցառումը անցկացվում է ազգային տոնի՝ Կիմ Չեն Իրի ծննդյան օրվա (փետրվարի 16) նախաշեմին:
Հատուկ մրցույթ է կազմակերպվել մատուցողների համար, որոնք ցուցադրել են բոլոր կանոնների համաձայն գեղեցիկ և խնամքով սեղանը ձևավորելու, ուտեստը մատուցելու և այցելուներին ծառայություններ մատուցելու իրենց վարպետությունը:
Այս տարի հատուկ ուշադրություն են հատկացրել ձկնապուրների պատրաստմանը, կարտոֆիլից պատրաստվող ուտեստներին, լոբազգիներին և տարատեսակ աղցաններին: Հաղթող են ճանաչվել Փխենյանի «Քորյո» հյուրանոցի «Օքրյու» ռեստորանի խոհարարները:
Շատ օտարերկրացիներ համարում են, որ կորեական ազգային խոհանոցը աշխարհում հայտնի դառնալու բոլոր հնարավորություններն ունի: