ԱՄՆ-ում հրատարակության է պատրաստվում Դերվին Փորթերի և Դենֆորտ Փրինսի Bill & Hillary.So This Is That Thing Called Love («Բիլ և Հիլարի. Ահա թե ինչ է սերը») գիրքը, հայտնում է spletnik.ru-ն:
Վեպը լույս է սփռում ԱՄՆ նախկին նախագահի անձնական կյանքի մանրամասների վրա: Գրքում պատմվում է, որ Բիլ Քլինթոնը փորձել է սիրավեպ ունենալ Ժակլին Քենեդիի` հանգուցյալ Ջոն Քենեդիի կնոջ հետ: Չնայած Ժակլինը 17 տարով մեծ է եղել Քլինթոնից, սակայն դա նախագահին չի անհանգստացրել: Քլինթոնը չի սպասել, որ կմերժվի:
Բիլ Քլինթոնի հետ հարաբերությունների մասին պատմել է նաև նրա նախկին սիրուհի Մոնիկա Լևինսկին և խոստովանել է, որ կցանկանար փոխել անցյալը:
