healthinfo.ua-ն ներկայացնում է ձմռանը ձեռքերի մաշկի խնամքի 5 կանոն:
1. Պայուսակում միշտ ձեռքերի խոնավեցնող քսուք ունեցեք: Օրվա ընթացքում մի օգտագործեք մաշկի համար ծանր, չափազանց յուղոտ քսուքներ: Փորձեք դամասկոսյան վարդի հիմքով յուղ, որը հանգստացնում և խոնավեցնում է մաշկը:
2. Երեկոյան ուրիշ քսուք օգտագործեք: Առավել հարմար կլինի կոկոսի յուղի հիմքով քսուքը: Այն իդեալական է մաշկը խոնավեցնելու, դրա առաձգականության և արտաքին անբարենպաստ գործոններին դիմանալու կարողության մասին հոգալու համար:
3. Մի մոռացեք ձեռքերի պիլինգի մասին: Այն խորհուրդ է տրվում անել շաբաթական մեկ անգամից ոչ ավել:
4. Ձեռքերը շատ տաք ջրով մի լվացեք և մի օգտագործեք մաշկը չորացնող օճառներ:
5. Բավարար ժամանակ հատկացրեք կուտիկուլին: Աշուն-ձմեռ շրջանում այն չափազանց խոցելի է: Դրա խնամքի համար շատ հարմար է ձիթապտղի յուղը: Օրական միայն մեկ անգամ քսեք այն, պարբերաբար օգտագործման մի քանի օրից արդյունքը նկատելի կլինի: