Փենսիլվանիայի համալսարանի գիտնականնրը պարզել են, որ նոր դիետա սկսելու համար ամենակատարյալ օրը երկուշաբթին է, հայտնում է ladyhealth.com.ua-ն:
Ամերիկացի գիտնականները հետազոտել են Google-ի վիճակագրությունը, ինչպես նաև գրանցել են մի քանի սպորտդահլիճների հաճախելիությունը և StickK.com կայքի տեղեկատվությունները: Այդ պորտալը ստեղծվել է այն մարդկանց համար, ովքեր իրենց առջև որևէ նպատակ են դրել և ովքեր փող են կորցնում, եթե նպատակներին չեն հասնում:
Պարզվել է, որ Google-ում հենց երկուշաբթիներն են ավելի շատ գրանցվում դիետայի թեմայով հարցեր, իսկ շաբաթվա վերջում հարցերի թիվը նվազում է: Նմանատիպ պատկեր նկատվում է ցանկացած օրացուցային ցիկլի համար: Այսպես, մարդիկ ամսվա կամ տարվա սկզբին ակտիվորեն ուզում են «նոր կյանք» սկսել, իսկ այդ ժամանակաշրջանի վերջում նրանց հետաքրքրությունը աստիճանաբար նվազում է:
Գիտնականները ապացուցել են, որ եթե դիետան սկսեն երկուշաբթի, ապա դրա հաջողության շանսերը բարձրանում են 33 տոկոսով: Դա ճիշտ է նաև տարվա և ամսվա սկզբների համար:
