Շանհայում 10-հազարանոց խմբաքանակով վաճառքի են հանել պաղպաղակ` Երկրորդ համաշխարհային պատերազմի տարիներին Ճապոնիայի վարչապետի դեմքով, հայտնում է China Daily-ն:
Պաղպաղակը տպված է 3D տպիչով և ճշգրտորեն կրկնում գեներալ Հիդեկի Տոդձիոյի դեմքը՝ ներառյալ ակնոցը և բեղերը: Տոդձիոն Ճապոնիայի վարչապետն էր 1941-44 թվականներին: 1948 թվականին նա ռազմական հանցագործությունների համար դատապարտվել է մահվան: Պարբերականի տվյալներով՝ պաղպաղակի թողարկումը նվիրված է ճապոնական ռազմամոլության (միլիտարիզմ) տարած հաղթանակի, ինչպես նաև Երկրորդ համաշխարհային պատերազմի ավարտի 70-ամյակի կապակցությամբ: Պաղպաղակի գովազդային պաստառը կոչ է անում ուտել ռազմական հանցագործի դեմքը, որպեսզի հիշեն ֆաշիզմի դեմ պայքարի մասին: Յուրաքանչյուր ցանկացող կարող է գնել օրիգինալ պաղպաղակը 30 յուանով (4,70 դոլար):
