Շվեյցարիայի լեռնային հանգստավայրերից մեկում հատուկ գնացք են հատկացրել չինացի զբոսաշրջիկների համար՝ մշակութային առանձնահատկություններից ելնելով՝ գրում է Blick լրատվամիջոցը:
Ինչպես նշվում է, շվեյցարական Ալպերի Ռիգի հանգստավայրի այցելուները հաճախ են դժգոհել գնացքներում չին զբոսաշրջիկների պահվածքից: Նրանց վրդովել է վագոնների
անցումներում և դռների մոտ չինացիների կուտակումները, ինչպես նաև կոպիտ պահվածքը. ոմանք պնդել են, որ նկատել են, թե ինչպես են նրանք թքում գետնին:
Տեղական երկաթուղային ընկերության ներկայացուցչի խոսքերով՝ ասիացի զբոսաշրջիկների հոսքը, ճիշտ է, օգնել է գործերը բարելավելուն, սակայն նրանց պահվածքն իսկական խնդիր է դարձել: Իրավիճակի շտկման համար ասիացիներին առաջարկվում է երթևեկել առանձին գնացքներով: Նոր գնացքներն առանձնանում են նրանով, որ նրանցում ավելի հաճախ են մաքրման աշխատանքներ տարվում և պատերին փակցված են զուգարանից օգտվելու մանրամասն հրահանգներ:
